Foro de Liderado Feminino no Rural da Costa da Morte
8 e 9 de maio 2026
Vimianzo - Costa da Morte
Da consciencia
á acción
Alza Voz de Muller é un encontro no rural que reúne a mulleres profesionais, emprendedoras e líderes, para falar do que normalmente queda fóra da conversa:
As barreiras invisibles
O custe de liderar sendo muller
A dificultade de sosterse no tempo
A falta de redes e referentes
Porque as mulleres seguimos emprendendo, liderando e traballando nun sistema que non está pensado para nós.
Alza Voz de Muller nace para poñer isto no centro.
Para entendelo. Cuestionalo.
Construír alternativas e transformalo.
Speakers xa confirmadas
Mulleres referentes, que abren camiños, xeran consciencia e cambio. Neste foro queremos visibilizar o poder das mulleres para a transformación social, económica, política e cultural.
Gemma Fillol
Gemma Fillol ten un mantra: se non emocionas, non existes. É autora, conferenciante, mentora e catalizadora de conexións.
Cunha traxectoria de 20 anos no mundo da comunicación estratéxica, afirma que a EMOCIÓN é a pedra angular para conectar na era do ruído dixital.
Gemma impulsa marcas líderes e institucións a expandiren os seus negocios e impacto a través da creación de experiencias e da construción de proxectos que fomentan a comunidade e o liderado circular.
Nuria Varela
Nuria Varela é xornalista, escritora e doutora en Dereito Autonómico e Local. Tamén é máster en Políticas Públicas de Igualdade e en Estudos Interdisciplinares de Xénero.
É autora de dez libros, entre eles Feminismo para principiantes, que desde a súa publicación en 2005 foi reeditado e mesmo adaptado a lectura fácil. Seguírono, entre outros, Cansadas, Feminismo 4.0, O síndrome Borgen, Por que as mulleres abandonan a política ou Feminismo urxente, a súa obra máis recente.
Eva López Barrio
Licenciada en Ciencias Económicas pola Universidade de Santiago de Compostela e Máster en Dirección e Xestión de Comercio Exterior.
Dende o ano 2006 é responsable do Programa Woman Emprende, sendo a súa área de especialización o acompañamento ás iniciativas empresariais lideradas por mulleres.
Experta en diferentes observatorios organizados pola Unidade de Muller e Ciencia do Ministerio de Ciencia e Innovación.
Rosa Arcos
Feminista militante do activismo social e do asociacionismo.
Dende o ano 1986 colabora coa organización profesional Unións Agrarias de Galicia, axudando nas labores de información aos afiliados e afiliadas e promovendo a visibilización das mulleres no sector primario.
Promotora e socia fundadora na constitución de FADEMUR (Federación de Asociacións de Mulleres Rurais), tanto a nivel de Galicia como do Estado. Na actualidade desempeña o cargo de Secretaria Xeral e directora de proxectos de FADEMUR Galicia.
Cecilia Trancón
Cecilia Trancón Loureiro é enxeñeira superior de Minas, directora xeral de Caolines de Vimianzo (CAVISA) e presidenta da Cámara Oficial Mineira de Galicia.
Cunha traxectoria de máis de vinte anos no sector mineiro e industrial, desenvolveu responsabilidades técnicas e directivas en explotacións mineiras e plantas industriais, liderando proxectos vencellados á produción, sustentabilidade e relación co territorio.
Desde o rural galego defende unha industria responsable e tecnicamente rigorosa como motor de emprego, oportunidades e futuro para as mulleres.
María Mira
María Mira é Analista de Xestión Financeira certificada MFIA (Máster en Mercados Financeiros e Investimentos Alternativos) en Estratexias de Investimento, onde dende 2018 elabora informes detallados de compañías cotizadas nos principais mercados bolsistas mundiais, calculando ratios financeiros clave e formulando recomendacións de investimento baseadas na análise exhaustiva de balances e perspectivas empresariais.
Representa a combinación ideal entre análise técnica profunda e docencia práctica en finanzas. O seu enfoque aplicado á análise de cotizadas e á creación de ferramentas dixitais sitúaa como referente na xestión de investimentos.
Nuria Robleño
Nuria Robleño é creativa e emprendedora. O seu traballo céntrase en axudar ás marcas a comunicar mellor, abarcando todo o proceso: dende a estratexia ata a execución, incluíndo a creación de contidos, o deseño de eventos e o desenvolvemento de experiencias, sempre dende unha marcada sensibilidade estética.
O seu enfoque pon o acento na construción de proxectos con intención, guiados pola intuición e unha mirada que cuestiona o establecido. Defende unha forma de facer máis creativa, valente e coherente coa identidade de cada proxecto, apostando por arriscar, experimentar e afastarse dos camiños tradicionais.
Aos seus 28 anos, fundou diversas iniciativas e actualmente lidera tres proxectos no ámbito creativo e experiencial: Pa Eso Estamos, Apetito e Always Open.
Lorena Añón
Vicerreitora de Estudantado, Igualdade, Diversidade e Benestar da Universidade de Santiago de Compostela.
Profesora Permanente Laboral do Departamento de Ciencia Política e Socioloxía.
Ten experiencia profesional como traballadora social en intervención con grupos en situación de risco e/ou exclusión social, mulleres e violencia machista. Obtivo varios recoñecementos académicos e profesionais —introdución á perspectiva de xénero na docencia, investigación en traballo social—.
Participa en proxectos internacionais e nacionais e posúe experiencia formativa en universidades de América Latina, Asia e Europa.
Patricia Vilán
Licenciada en Dereito pola Universidade de Santiago, preparou oposicións á carreira xudicial e fiscal.
Colexiada do Colexio da Avogacía de Pontevedra desde o ano 2000, actualmente non exercente.
Autora de diversas publicacións xurídicas na “Revista Xurídica Galega”.
Colaboradora en diversos medios xornalísticos galegos.
Parlamentaria autonómica desde 2012 a 2020, foi a primeira muller voceira do Grupo Socialista no Parlamento de Galicia.
Na actualidade e desde xaneiro de 2024, Secretaria Xeral da “Federación Galega de Municipios e Provincias”, tamén a primeira muller neste posto.
María Mira
María Mira é Analista de Xestión Financeira certificada MFIA (Máster en Mercados Financeiros e Investimentos Alternativos) en Estratexias de Investimento, onde dende 2018 elabora informes detallados de compañías cotizadas nos principais mercados bolsistas mundiais, calculando ratios financeiros clave e formulando recomendacións de investimento baseadas na análise exhaustiva de balances e perspectivas empresariais.
Representa a combinación ideal entre análise técnica profunda e docencia práctica en finanzas. O seu enfoque aplicado á análise de cotizadas e á creación de ferramentas dixitais sitúaa como referente na xestión de investimentos.
Nuria Robleño
Nuria Robleño é creativa e emprendedora. O seu traballo céntrase en axudar ás marcas a comunicar mellor, abarcando todo o proceso: dende a estratexia ata a execución, incluíndo a creación de contidos, o deseño de eventos e o desenvolvemento de experiencias, sempre dende unha marcada sensibilidade estética.
O seu enfoque pon o acento na construción de proxectos con intención, guiados pola intuición e unha mirada que cuestiona o establecido. Defende unha forma de facer máis creativa, valente e coherente coa identidade de cada proxecto, apostando por arriscar, experimentar e afastarse dos camiños tradicionais.
Aos seus 28 anos, fundou diversas iniciativas e actualmente lidera tres proxectos no ámbito creativo e experiencial: Pa Eso Estamos, Apetito e Always Open.
Lorena Añón
Vicerreitora de Estudantado, Igualdade, Diversidade e Benestar da Universidade de Santiago de Compostela.
Profesora Permanente Laboral do Departamento de Ciencia Política e Socioloxía.
Ten experiencia profesional como traballadora social en intervención con grupos en situación de risco e/ou exclusión social, mulleres e violencia machista. Obtivo varios recoñecementos académicos e profesionais —introdución á perspectiva de xénero na docencia, investigación en traballo social—.
Participa en proxectos internacionais e nacionais e posúe experiencia formativa en universidades de América Latina, Asia e Europa.
Por que é necesario un espazo así?
Porque o problema non é individual.
Non é falta de talento ou capacidade.
Non é falta de esforzo.
É unha cuestión estrutural.
As mulleres seguimos:
- Accedendo a menos oportunidades
- Sostendo máis carga mental e de coidados
- Tendo menos visibilidade e recoñecemento
Alza Voz de Muller nace para poñer nome a todo isto.
E para pasar da consciencia á acción.
Este espazo é para tí se…
- Estás sostendo moito… pero sentes que avanzas pouco
- Tes un proxecto ou carreira que queres impulsar
- Estás cansa de facelo todo soa
- Sentes que hai algo estrutural que te está freando
- Queres falar de cartos, poder e ambición sen culpa
- Buscas rede, referentes e claridade
Se te recoñeces nalgo disto, este espazo é para ti.
Reserva a túa praza, ¡únete!
Da consciencia á acción
Este ano Alza Voz de Muller dá un paso máis. Baixo o lema «Da consciencia á acción para liderar, emprender e transformar desde o rural«, propoñemos un encontro que non se queda na reflexión.
Un espazo para:
Entender o que pasa
Cuestionar o que damos por feito
Activar cambios reais
Porque a consciencia, por sí soa, non transforma nada.
Dous días para pasar á acción
Poñencias que poñen palabras ao que nos pasa
Mesas de diálogo con experiencias reais
Talleres prácticos para tomar decisións
Rede de mulleres coas mesmas inquedanzas ca tí
O que vai pasar en Alza Voz de Muller 2026 non está pensado para escoitar e marchar igual. Está deseñado coma un percorrido:
- Primeiro: entender
- Despois: cuestionar
- E finalmente: actuar
Dous días onde a reflexión convive coa experiencia e onde cada muller pode atopar o seu propio punto de cambio.
"Rodéate de mulleres que dirían o teu nome nun lugar cheo de oportunidades"
Forma parte do movemento
Súmate. Alza a túa voz.
Porque isto non vai de mirar… vai de formar parte.
Axenda
Durante dúas intensas xornadas desmontaremos mitos e barreiras culturais, fomentaremos conversas sobre diñeiro, poder, éxito e liderado. Xeraremos alianzas, redes de apoio e proxectos conxuntos.
Venres, 8 de maio
15.30 h. | Acreditacións e café de benvida
Entrega de materiais e kit de benvida ás asistentes. Espazo de networking inicial.
16.00 h. | Inauguración institucional
Benvida da alcaldesa do Concello de Vimianzo, Mónica Rodríguez, e presentación do evento.
- ·Mónica Rodríguez Ordóñez. Alcaldesa do Concello de Vimianzo
- Julio E. Abalde Alonso. Subdelegado do Goberno en A Coruña.
- María Quintiana Pérez. Directora Xeral de Promoción da Igualdade.
- Rosa Ana García López. Deputada Provincial da Deputación da Coruña.
- Lorena Añón Loureiro. Vicerreitora de Estudantado, Igualdade, Diversidade e Benestar
16.30 h. | Intervención marco.
"Por que seguimos necesitando espazos para mulleres que lideran e emprenden?"
"Por que seguimos necesitando espazos para mulleres que lideran e emprenden?"
16.45 h. | Poñencia inaugural.
"Cansadas de estar cansadas: respostas colectivas a desafíos estruturais". Nuria Varela
"Cansadas de estar cansadas: respostas colectivas a desafíos estruturais". Nuria Varela
Cando o cansazo non é individual, senón consecuencia dun sistema que sostén desigualdades invisibles. Unha mirada crítica e transformadora sobre a sobrecarga, os coidados e a vida das mulleres.
17.30 h. | Mesa de diálogo "Chegar, sosterse e medrar: o prezo e o poder de liderar sendo muller".
Liderar en espazos que non foron pensados para nós: como se chega, como se resiste e que cambia cando estás.
- Cecilia Trancón. CEO Cavisa, Caolines de Vimianzo
- Lorena Añón. Vicerreitora de Estudantado, Igualdade, Diversidade e Benestar da USC
- María Mira. Analista de Xestión Financeira certificada MFIA
18.30 h. | Mesa de diálogo "Emprender dende o rural: talento, invisibilidade e resistencia"
Poñer en valor o emprendemento feminino no rural, visibilizando tanto as oportunidades como as barreiras estruturais ás que se enfrontan as mulleres. A cargo das emprendedoras do rural:
- Helena San Mamede. Economista e socia fundadora de 50pés consultoras
- Candela Martínez. Nutricionista xinecolóxica de Sabe que alimenta
- Elena Enjamio. Coordinadora dos Polos de Emprendemento da Xunta de Galicia
Sábado, 9 de maio
9.45 h. | Apertura de portas e acreditación
10.00 h. | Mesa de diálogo "Facer política sendo muller: poder, exposición e responsabilidade"
Reflexionar sobre a participación política das mulleres e os desafíos específicos que afrontan no espazo público.
- Belén do Campo. Delegada provincial da Xunta de Galicia
- Patricia Iglesias. Parlamentaria do Grupo Socialista en Galicia
- Mercedes Queixas. Deputada do Parlamento de Galicia polo BNG
11 h. | Poñencia "Non é casual o poder do ritual: o poder dos rituais nun mundo que nos quere esgotadas". Gemma Fillol
Recupera a túa conexión na era da máxima distracción. Liderado resiliente na era da máxima distracción.
12 h. | Pausa café
12.30 h. | Poñencia "Se non te ven, non existes: visibilidade, marca persoal e exposición dixital". Nuria Robleño
A moitas mulleres ensináronnos a non ocupar espazo. Esta ponencia aborda o medo á exposición, e a importancia da visibilidade e da comunicación no emprendemento.
13.30 h. | Almorzo e networking no Castelo de Vimianzo
15.30 h. | Mesa de diálogo "O sistema non é neutro: barreiras invisibles no emprendemento e no emprego".
Unha análise sobre os obstáculos estruturais que condicionan as oportunidades profesionais e empresariais das mulleres.
- Eva López Barrio. Responsable do Programa Woman Emprende.
- Rosa Arcos. Promotora e social fundadora de FADEMUR
- Patricia Vilán. Secretaria Xeral da FEGAMP
16.30 h. | Obradoiros experienciais
Podes seleccionar na túa inscrición cal é o taller no que che gustaría participar:
- Da idea á acción: empezar sen permiso. Liderado por Nuria Robleño. Para mulleres emprendedoras en etapa inicial ou con proxecto en mente que ainda non deron o paso. Un espazo practico para desmontar o perfeccionismo e o medo ao xuizo, e comezar a actuar dende onde estas. Ferramentas concretas de accion inmediata para dar ese primeiro paso sen esperar o momento perfecto.
- Sosterse sen romper: Sostibilidade, cartos e enerxía. Liderado por Gemma Fillol. Para emprendedoras con proxecto en marcha que senten sobrecarga ou dificultades para sosterse no tempo. Como xestionar a enerxia, o dineiro e o tempo sen sacrificar o benestar. Ferramentas de sostenibilidade persoal e financeira para construir un proxecto que dure e que non te esgote.
- Liderar a túa carreira: decisión, límites e poder persoal. Liderado por Eva López. Para profesionais e directivas que queren reforzar o seu liderado e tomar decisions estratexicas dende a autenticidade. Como liderar dende os propios valores, poner limites sen culpa e construir autoridade persoal en entornos que non sempre nos facilitan o camino. Para quen quer tomar as rendas da sua carreira con claridade e intención.
18.00 h. | Dinámica participativa de peche: "E agora que? Redes, alianzas e futuro compartido".
Pasar da inspiración á acción colectiva: tecer alianzas, compartir recursos e construír comunidade entre mulleres.
- Manuela Gómez. Representante de Executivas de Galicia
- Rosa Arcos. Representante de FADEMUR
- Eva López Barrio. Responsable de Woman Emprende
- Beatriz Gallart. Representante de Todas Nós.
19 h. | Peche institucional
Organización
Este evento pode realizarse grazas á colaboración de diferentes entidades que decidiron apoiarnos e facelo posible. Queres colaborar? Contáctanos!
